احــبـــكــ

[center]أحبك


أحبك مو لأن انت حلو..لا
لأن روحي التقت كًبلي ولك بيك


اذا انت تمر عالأعمى يصيح الله
والاخرس لوًن حاجيتة يحاجيك


أذب كًلبي اعله سهمك وآني مجروح
وأكًلك دير بالك خاف أأذيك


إجرحني ولك بس كون علكيف
لأن انت اويه دمي وخاف أبديك


إجرحني ولك بس كون ماموت
حتى من يتهموني أبريك


عالمراية اوكًفت ماشفت وجهي
شفت وجهك حبيبي وكًمت أحاجيك


واتضح بمرايتي وجهك مرايات
وتباوع وجهه مرايتي بيك


بكًذلتك شِدْ ركًبتي وطلًع الروح
اريدنها بعد تتقرب اعليك


انت بحضني بس أعتبرك بعيد
اريدن هيج كون آني انخبط بيك


بيا شارع مشيت إكًبالي الكًاك
أفوت بغير شارع هم الاكًيك


أرد للبيت كًبلي الكًاك بالباب
أطب وتكًلي صار هواي أتانيك


بغيرك فكرت كًلت حتى انساك
طلع غيرك يشبهك فكرت بيك !!


مــصــطــفــى الــعــانــي

حلوووووووووووووووة عاشت اديك

حلوووو كلش
عاشت ايديك

لي ان امر بصمت
فحينما يعجز الكلام
يكون الصمت ابلغ من حروف اللغات باجمعها
تحياتي واحترامي